Dům za Koupit v Tbilisi, Gruzie

უძრავი ქონება ოქროყანაში, ქალაქის სიახლოვეს ერთ-ერთ გამორჩეულ ლოკაციაზეა. ახლად გაშენებული უბანი ცხოვრების თანამედროვე სტანდარტებს პასუხობს. აღსანიშნავია გარემო, რომელიც სოფლისთვის დამახასიათებელი დეტალებისგან თავისუფალია. უბნის ლანდშაფტის და გამწვანების ვალდებულება მერიამ აიღო. დაწყებულია ამ მიმართულების პროგრამა. 1651 კვ.მ. ფართის მიწაზე 470 კვ.მ. შენობაა. რელიეფიდან გამომდინარე მოწყობილია ტერასები, რომელთაც გარკვეული ფუნქციები აქვთ. კერძოდ, ქუჩის მიმდებარედ პირველ დონეზე პარკინგი და დამოუკიდებელი 103 კვ.მ. საცხოვრებელი სივრცეა, რომლის ფართიც მოიცავს: ბუხრიან მისაღებ ზონას, სატრენაჟოროს, სამზარეულოს ნაწილს, ორ სველ წერტილს, საუნას. ამ სივრცეში შეიძლება მიიღოთ სტუმრები, გამართოთ წვეულება ისე, რომ ძირითადი სახლის მყუდროება არ დაირღვეს. ან შეიძლება გამოიყენოთ იზოლირებულ საცხოვრებლად. ტერასული ეზოს შემდეგი დონე აუზს, გამწვანებას და დიდ ტერასას ეთმობა. ორსართულიანი სახლის პირველ სართულს იკავებს: ჰოლი კიბის უჯრედით, სამზარეულო, სასადილო ოთახი, ერთი მასტერის ტიპის საძინებელი და ერთი სველი წერტილი. მეორე სართულზე ხუთი საძინებელი, ორი საგარდერობე ოთახი, ოთხი აბაზანა-ტუალეტია. სარემონტო მასალები გამოირჩევა მაღალი ხარისხითა და გემოვნებით. გამოყენებულია ნატურალური ტრავერტინი, გრანიტი, მარმარილო, კერამოგრანიტი, ნატურალური ხე და სხვა.